ខ្សែប្រយុទ្ធព័រទុយហ្គាល់ Cristiano Ronaldo និងខ្សែប្រយុទ្ធអាហ្សង់ទីនកីឡាករ Lionel Messi ត្រូវបានពិភពបាល់ទាត់ធ្វើការប្រៀបធៀប និងជជែកវែកញែកពីទម្រង់លេងជាង ១០ឆ្នាំមកហើយ។ បើនិយាយពីគ្រាប់បាល់វិញ កីឡាករទាំងពីរ សុទ្ធតែរកបានលើសពី ៧០០គ្រាប់ ចំណែកឯពានបុគ្គល និងពានក្លឹបអាជីព សុទ្ធតែប្រហាក់ប្រហែលគ្នា។
បើនិយាយពីការស៊ុតបាល់ Free Kick វិញ ខ្សែប្រយុទ្ធទាំងពីរក៏រកគ្រាប់បាល់ពីបាល់ពិន័យនេះ បានប្រហាក់ប្រហែលគ្នាដែរ។
ក្នុងការបង្ហាញខ្លួនជាង ១ពាន់ប្រកួតរបស់ Ronaldo កីឡាករ Juventus រូបនេះស៊ុត Free Kick បានចំនួន ៥៥គ្រាប់។ ស្រដៀងគ្នានេះដែរ Messi វិញ ស៊ុតបាន ៥២គ្រាប់ក្នុងអាជីពជាង ១៦ឆ្នាំ។
យ៉ាងណាមិញ Ronaldo តាំងពីឆ្នាំ២០១៨មក រកបានតែ ១គ្រាប់ប៉ុណ្ណោះពីការស៊ុត Free Kick ចំណែកឯ Messi វិញរកបានដល់ទៅ ១៨គ្រាប់៕
