កោះកុង ៖ បុរសម្នាក់ទំនងស្រវឹងបានបើកម៉ូតូជ្រុលចង្កូតទៅបុកគល់ឈើបណ្តាលឱ្យស្លាប់ភ្លាមៗកើតឡើង កាលពីយប់ថ្ងៃទី០១ ខែវិច្ឆិកា ឆ្នាំ២០២០ នាវេលាម៉ោង១២ និង៣០នាទីយប់អធ្រាត្រ នៅចំណុចផ្លូវជាតិលេខ៤៨ ស្ថិតភូមិបឹងឃុនឆាង សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង។
សមត្ថកិច្ចនិយាយថា សពជនរងគ្រោះឈ្មោះ ឯម មករា ភេទប្រុស អាយុ២៦ឆ្នាំ មានមុខរបរកម្មករវាយថ្ម ស្នាក់នៅបណ្តោះអាសន្នភូមិព្រែកស្វាយ សង្កាត់ស្ទឹងវែង ក្រុងខេមរភូមិន្ទ ខេត្តកោះកុង បើកម៉ូតូម៉ាក WAVE ពណ៌ខ្មៅ ជ្រុលចង្កូតទៅបុកគល់ឈើបណ្តាលឱ្យស្លាប់ភ្លាមៗតែម្តង។ បច្ចុប្បន្នប៉ូលិសបានប្រគល់ជូន សាច់ញាតិរៀបចំធ្វើបុណ្យតាមប្រពៃណីរួចហើយ៕
