ភ្នំពេញ៖រថយន្តកាម៊រី ពាក់ស្លាកលេខ ខេមរភូមិន្ទ 08 .2-3522 បានឆ្លងផ្លូវមិនប្រយ័ត្ន បណ្តាលឲម៉ូតូគ្រឿង បុកចំផ្នែកខាងក្រោយ នឹងមានរថយន្ត២គ្រឿងញៀនបុកគ្នា ដោយសារអ៊កស៊ឺជាមួយរថយន្តកាម៊រីនោះ ។ហេតុការណ៍ នេះកាលពីវេលាម៉ោង ១១និង២០នាទីព្រឹកថ្ងៃទី១២ ខែកក្កដា ឆ្នាំ២០២០ ដែលទីតាំងស្ថិតនៅតាមបណ្តោយផ្លវជាតិលេខ៤ខាងលិចភ្លើងស្តុប ផ្លូវបំបែកវិមានឈ្នះ ឈ្នះ ក្នុងភូមិអង្គ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
តាមប្រភពព័ត៌មាននៅមុនពេលកើតហេតុបានឲ្យដឹងថាគេបានឃើញរថយន្តកាម៊រីមួយគ្រឿងពណ៌ ត្រេអ៉ីពាក់ស្លាកលេខ ខេមរភូមិន្ទ 08 .2-3522 បានបើកឆ្លងផ្លូវកាត់ទទឹងពីត្បូងឡើងទៅជើងស្របពេលនោះមានម៉ូតូ២គ្រឿង ដែលធ្វើដំណើរក្នុងទិសដៅពីលិចទៅកើតមកដល់ចំណុចកើតហេតុអ៊កស៊ឺ ស្រាប់តែជាប់ហ្រ្វាំងមិនជាប់បណ្តាលឲ្យម៉ូតូទាំង២គ្រឿងបុករថយន្តតែម្តង រហូតបានមួយសន្ទុះក្រោយមករថយន្តម៉ាកព្រូស ពណ៌ស បើកបរដោយជនជាតិចិន ពាក់ស្លាកលេខភ្នំពេញ 2AZ-9391 ដែលមានទិសដៅពីលិចទៅកើតមកដល់ចំណុចកើតហេតុបានបន្ថយល្បឿន អែបឆ្វេងគោលបំណងគេចហេតុការចរាចរណ៍ដែលកើតឡើង តែចៃដន្យស្រាប់តែមានរថយន្តប្រភេទយីឌុបធន់ធំមកពីក្រោយពាក់ស្លាកលេខកំពង់ស្ពឺ 3A-1851 មកពីក្រោយជ្រុលមកបុករថយន្តព្រូសចំហៀងឆ្វេងខាងក្រោយបណ្តាលឲ្យខូចខាតទាំងសងខាងទៀត។
បន្ទាប់ពីកើតហេតុមានវត្តមានសមត្ថកិច្ចជំនាញចរាចរណ៍ដែលនៅគោលដៅក្បែរនោះ នគរបាលប៉ុស្តិ៍មូលដ្ឋានបានចុះធ្វើការវាស់វែងយកអែបខាងនិងសម្រួសចរាចរណ៍ការពារការកកស្ទះ និងឲ្យភាគីទាំងអស់ធ្វើការសម្របសម្រួលគ្នាបណ្តោះអាសន្ន បន្ទាប់ពីមានការសម្របសម្រួលគ្នាដោយមិនចង់មានការវែងឆ្ងាយ ទើបភាគីទាំង២ករណីសម្រេចចិត្តបញ្ចប់រឿងនៅនិងកន្លែងតែម្តងដោយមិនចង់វែងឆ្ងាយ៕
