ភ្នំពេញ ៖ គូស្វាមីភរិយាមួយគូក្មេងខ្ចី សង្ស័យកើតជម្លោះ ដោយសារភ្លើងប្រចណ្ឌ ទើបបណ្ដាលឱ្យប្ដី យលកាំបិតចាក់ ប្រពន្ធចំដើមទ្រូង បណ្ដាលឱ្យរងរបួសធ្ងន់ រួចផុតដង្ហើមនៅមន្ទីរពទ្យ ក្រោយការសង្រ្គោះ របស់ក្រុមគ្រូពេទ្យអស់ ពីលទ្ធភាព ។
ករណីនេះបង្ក ការភ្ញាក់ផ្អេីល កាលពីវេលា ម៉ោង៧និង២០នាទីយប់ ថ្ងៃទី២២ ខែមិថុនាឆ្នាំ២០២០ នៅចំណុច ផ្ទះនារីរងគ្រោះ ភូមិដូនរ័ត្ន សង្កាត់ឪឡោក ខណ្ឌកំបូល រាជធានីភ្នំពេញ ។
ជនសង្ស័យជាប្តី មានឈ្មោះ សុខលី សម្បត្តិ អាយុ២៣ឆ្នាំ
រីឯជនរងគ្រោះ ឈ្មោះ លាង ផល្លា អាយុ២៣ឆ្នាំ មុខរបរកម្មការិនីរោងចក្រ អ្នកទាំង២ ស្នាក់នៅភូមិ សង្កាត់ខាងលើ ។
តាមប្រភពព័ត៌មានបានឲ្យដឹងថា នៅមុនពេលកើត ខាងលើ ជនរងគ្រោះ ទើបពីធ្វើការរោចក្រ បានចូលទៅងូតទឹក រួចក៏ហាលខោអាវ ហើយស្រាប់តែប្តី យកកាំបិតស្នៀត មកចាក់ ចំទ្រូងខាងស្តាំមួយកាំបិតតែម្ដង រួចជនដៃដល់ជា បានគេចខ្លួនបាត់ ។ បច្ចុប្បន្ន សពត្រូវបានធ្វេីបុណ្យតាមប្រពៃណី និងជនដៃដល់ សមត្ថកិច្ចកំពុងស្រាវជ្រាវ និងតាមចាប់ខ្លួន យកមកផ្តន្ទាទោស ទៅតាមផ្លូវច្បាប់ ៕
