ភ្នំពេញ៖ រថយន្តម៉ាកកូរ៉ូឡា មួយគ្រឿងបើកបរដោយបុរស មិនស្គាល់អត្តសញ្ញាណម្នាក់ បើកឆ្លងថ្នល់មិនទាន់ផុតផង ក៏មានម៉ូតូហុងដារឌ្រីមសង់សេ១២៥មួយគ្រឿងជិះគ្នា៣នាក់ មកបុកពេញទំហឹង បណ្តាលឲរងរបួសធ្ងន់២នាក់ ដង្ហើមចង្រិត១នាក់ រីឯអ្នកបើកបររថយន្តគេចខ្លួនបាត់ បន្សល់ទុករថយន្តនៅកន្លែងកើតហេតុ។ បង្កឲ្យមានការ ភ្ញាក់ផ្អើលនៅវេលាម៉ោង៨និង២០នាទីយប់ ថ្ងៃសៅរ៍ទី២០ ខែមិថុនា ឆ្នាំ២០២០ត្រង់ចំណុចខាងកើតផ្សារសែនមនោរម្យ
ប្រមាណ៣០ម៉ែត្រ តាមបណ្តោយផ្លូវជាតិលេខ៤ នៅក្នុងភូមិអង្គ សង្កាត់ចោមចៅទី៣ ខណ្ឌពោធិ៏សែនជ័យ រាជធានី ភ្នំពេញ។
ជនរងគ្រោះទាំង ៣នាក់មិនត្រូវបានស្គាល់អត្តសញ្ញាណ នោះទេចំណែកឯអ្នកបើកបររថយន្តក៏មិនស្គាល់អត្តសញ្ញាណនោះដែលបានបើកទ្វាររថយន្តគេចចេញពីកន្លែងកើតហេតុបាត់ស្រមោល។
ប្រភពពីកន្លែងកើតហេតុបានឲ្យដឹងថាដំបូងឡើយគេឃើញ រថយន្ដ ម៉ាកកូរ៉ូឡា ពណ៌ស្ករ ពាក់ស្លាកលេខ ភ្នំពេញ2AD.1930បើកបរដោយបុរសម្នាក់តាមបណ្ដោយផ្លូវជាតិលេខ ៤ទិសដៅពីកើតមកលិច ក្នុងល្បឿនល្មម ខណៈមកដល់ចំណុចកើតហេតុខាងលើក៏បត់ឆ្វេងដៃ ពេលដែលកំពុងតែបតស្រាប់តែមានម៉ូតូមួយគ្រឿងម៉ាកឌ្រីមសង់ សេ125 ពណ៌ខ្មៅ ស៊េរីឆ្នាំ២០១៥ ពាក់ស្លាកលេខ កំពង់ឆ្នាំង1E.6772ជិះឌុបគ្នា៣នាក់តាមបណ្ដោយផ្លូវជាតិលេខ៤ ទិសដៅពីលិចមកកើតបញ្ច្រាសទិសគ្នាយ៉ាងលឿន មកបុកពេញទំហឹងបណ្ដាលឲ្យដួលរងរបួសធ្ងន់ ២នាក់និងដង្ហើមចង្រិតម្នាក់ភ្លាមៗគេសង្កេតឃើញមាន រថយន្តគ្លីនិកឯកជនមកដឹកអ្នករងរបួសធ្ងន់ល្មម ២នាក់ទៅសង្គ្រោះជីវិត តែចំណែកឯអ្នករងរបួសធ្ងន់ដង្ហើមចង្រិតមិនលើកយកទៅសង្រ្គោះមុនទេ។មួយសន្ទុះធំទើបមាន រថយន្តសង្គ្រោះគ្លីនិកឯកជនមួយគ្រឿងទៀតបានមកដឹកយកទៅមន្ទីរពេទ្យលោកសង្ឃដើម្បីជួយសង្គ្រោះជីវិតផងដែរ។ចំណែកឯអ្នកបើករថយន្តបានបើកទ្វាររត់គេចខ្លួន បាត់ស្រមោល។
ក្រោយពីកើតហេតុសមត្ថកិច្ចជំនាញចុះមកវាស់វែងយក រថយន្តនិងម៉ូតូទៅរក្សាទុករង់ចាំដោះស្រាយគ្នានៅពេលក្រោយ៕
